Welcome to Samarqand viloyat statistika boshqarmasi   Click to listen highlighted text! Welcome to Samarqand viloyat statistika boshqarmasi Powered By GSpeech

SAMSTATINFO

TADBIRKORLAR UCHUN

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Mamlakatimizda oxirgi marta 1989-yilda aholini ro‘yxat­ga olish o‘tkazilgan. Bu esa demografiya va migratsiyadagi o‘zgarishlar, aholi soni, yoshi, jinsi, tarkibi, hududlardagi aholining joylashuvi va boshqa ijtimoiy-demografik ma’lumotlarni qo‘llashda cheklovlarni keltirib chiqarmoqda.

Shu kabi jihatlar inobatga olingan holda Prezidentimizning 2019-yil 5-fevraldagi “O‘zbekiston Respublikasida 2022-yilda aholini ro‘yxatga olishni o‘tkazish konsepsiyasini tasdiqlash to‘g‘risida”gi farmoni qabul qilindi. Mazkur hujjat asosida 2022-yilda mamlakatimizda aholini ro‘yxatga olish tadbiri o‘tkaziladi va bunga Davlat statisti­ka qo‘mitasi vakolatli organ sifatida belgilandi.

Farmonda aholini ro‘yxatga olishda xorijiy tajriba, zamonaviy texnologiya va uslublardan foydalangan holda aholining yoshi, jinsi, oilaviy ahvoli, ma’lumoti, hayot darajasi, millati, fuqaroligi, bandligi va boshqa demografik jihatlarni aniq hisoblash vazifasi yuklatilgan. Buning natijasida aholi farovonligi, bandlik, ish o‘rinlari yaratish, barqaror rivojlanish milliy maqsadlari indikatorini shakllantirish, mehnat resurslari joylashuvi va ulardan foydalanish jarayonlarini o‘rganish borasida davlatning uzoq va qisqa muddatli ijtimoiy-iqtisodiy rivojlanish dasturlari ishlab chiqiladi.

Ro‘yxatga olishda respublika hududida yashovchi shaxslarning turli tavsiflari to‘g‘risida xalqaro taqqos imkonini beradigan yaxlit ma’lumotlar yagona statistik uslublar aso­sida yig‘iladi.

Ushbu tadbir mamlakatda yashovchi aholiga tegishli bo‘lgan demografik, iqtisodiy va ijtimoiy ma’lumotlarni yig‘ish, umumlashtirish, baholash, tahlil qilish va e’lon qilishning yagona jarayonini o‘z ichiga olib, aholi to‘g‘risidagi ma’lumotlarning asosiy manbayi hisoblanadi. Kelgusida rivojlanishning prognoz ko‘rsatkichlarini hisoblash, hududlarni rivojlantirish va jamiyatning ijtimoiy himoyaga muhtoj qatlamlariga yordam ko‘rsatish, siyosiy va boshqaruv qarorlarini qabul qilish uchun zarur ma’lumotlarni olish imkonini beradi.

Boshqacha aytganda, aholini ro‘yxatga olish nafaqat stati­stik maqsadlar, balki mamlakatning ijtimoiy-iqtisodiy holatini bashorat qilish vositasi hamdir.

Demografiya va mehnat statistikasi bo’limi

Yangiliklarimizga obuna bo'ling


Tugmani bosing Tinglash