Samarqand viloyati statistika boshqarmasida joriy yilning 28- aprel kuni 2022- yil I chorak yakunlariga bag‘ishlangan yig‘ilish bo‘lib o‘tdi. Unda boshqarma rahbariyati, tarmoq bo‘lim boshliqlari hamda hududiy statistika bo‘lim boshliqlari ishtirok etishdi.
Yig‘ilish kun tartibida, 2022- yil I chorak yakunlari bo‘yicha Davlat statistika qo‘mitasi tomonidan o‘tkazilgan “kengaytirilgan Hay‘at yig‘ilishi natijalari”dan kelib chiqqan holda, o‘tgan davrda boshqarmaning tarmoq bo‘limlari hamda tuman (shahar) bo‘limlarining barcha yo‘nalishlardagi faoliyati tanqidiy tahlil qilindi, mavjud yo‘l qo‘yilgan xato va kamchiliklarni bartaraf etish hamda 2022- yilning keying choraklari uchun belgilangan vazifalarni amalga oshirish yuzasidan chora-tadbirlarni belgilab olish kabi masalalar ko‘rib chiqildi.
Yig‘ilishni viloyat statistika boshqarmasi boshlig‘i Musinov Dilshod Sultanovich boshqarib bordi. Yig‘ilish kun tartibiga binoan, O‘zbekiston Respublikasi Prezidenti va hukumatining hujjatlari hamda topshiriqlarida Davlat statistika idoralari oldiga qo‘yilgan vazifalar va tizimda 2022- yil I chorakda amalga oshirilgan ishlar samaradorligi, yo‘l qo‘yilgan kamchiliklarni bartaraf qilish borasida amalga oshirilayotgan choralar to‘g‘risida to‘xtalib o‘tdi. Shuningdek, boshqarma boshlig‘i O‘zbekiston Respublikasi Vazirlar Mahkamasining 2020- yil 11- noyabrdagi “O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710-son qarori doirasida amalga oshirilgan ishlar, “Aholini ro‘yxatga olish to‘g‘risida”gi O‘zbekiston Respublikasi qonuni ijrosini ta'minlash yuzasidan kelgusidagi ustuvor vazifalar bo‘yicha ko‘rsatmalar berdi.
Yig‘ilish yakunida ijro intizomi va tashkiliy masalalar ko‘rib chiqildi. Vazifalarni o‘z vaqtida bajarmagan xodimlarga tegishli choralar ko‘rish, ish faoliyatini namunali yo‘lga qo‘ygan ishchi-xodimlarni rag‘batlantirish bo‘yicha tegishli qarorlar qabul qilindi.
Axborot xizmati