Assalomu alaykum hurmatli kasbdoshlar, aziz vatandoshlar!
Muqaddas Islom dinining ezgulik va insonparvarlik, mehr-shafqat kabi buyuk fazilatlari yanada yorqin namoyon bo‘ladigan ushbu shukuhli kunlarda barchamiz, shukronalar aytamiz.
Buyuk bobokalonimiz Imom Buxoriy hazratlaridan rivoyat qilingan hadisi sharifda aytilganidek, “Chinakam musulmon o‘ziga ravo ko‘rgan barcha yaxshiliklarni boshqa insonlarga ham ravo ko‘radi”.
Ishonamizki, bugungi hayotning o‘tkir talabi bo‘lgan ilm-fan, axborot-kommunikatsiya texnologiyalari va taraqqiyot yutuqlari va dinu diyonatimiz va zamon ruhini qalbimizga chuqur singdirib, Vatanimiz ravnaqi yo‘lida astoydil xizmat qilsak, o‘z oldimizga qo‘ygan yuksak marralarga, albatta, erishamiz.
Niyati pok, maqsadi ulug‘ xalqimizning shu tabarruk kunlarda qilayotgan barcha ibodatlari, ezgu duolari ijobat bo‘lsin!
Muqaddas ayyom – Ramazon hayiti barchamizga muborak bo‘lsin!
Hurmat bilan
Samarqand viloyati statistika
boshqarmasi boshlig‘i Sh. Abdiyev
Axborot xizmati