Milliy statistika qo‘mitasi tomonidan aholi va qishloq xo‘jaligini ro‘yxatga olish tadbiri doirasida onlayn ro‘yxatdan o‘tgan hamyurtlarimiz o‘rtasida tasodifiy tanlash ( random ) usuli orqali navbatdagi sovrindorlar aniqlandi. Ushbu jarayon aholining faolligini oshirish va yurtdoshlarimizning ro‘yxatga olish tadbiriga ishtirokini rag‘batlantirishga qaratilgan.
Navbatdagi g‘olibimiz - Samarqand viloyati, Oqdaryo tumani A.Navoiy mahallasida istiqomat qiluvchi L.Xaydarova bo‘lib, bugun uning yutug‘ini xonadoniga borib, viloyat statistika boshqarmasi boshlig‘i Sh. Abdiyev ko‘tarinki kayfiyatda topshirdi.
G‘olibimiz ushbu e’tirof haqida fikr bildirib:
“Vatan ravnaqi, farzandlarim kelajagi yo‘lida qo‘shgan kichik bir xissam munosib baholanganligidan nihoyatda xursandman”, - dedi
Ta’kidlash joizki, aholi va qishloq xo‘jaligini ro‘yxatga olish tadbirida faol ishtirok etish mamlakatimizning ijtimoiy – iqtisodiy rivoji uchun muhum ahamiyat kasb etadi.
Hurmatli yurtdoshlar! Siz ham onlayn ro‘yxatdan o‘tishda faol bo‘ling. Balki keyingi g‘olib aynan siz bo‘lishingiz mumkin!
Axborot xizmati