Joriy yil 28-29-avgust kuni Samarqand viloyati statistika boshqarmasida Mustaqilligimizning 34 yilligi munosabati bilan “Vatan uchun, Millat uchun, Xalq uchun” shiori ostida unutilmas bayram tadbirlari tashkil etildi.
Shu kuni boshqarmada sportning shaxmat-shashka hamda futbol turlari bo‘yicha musobaqa tashkil etildi. Unda boshqarma xodimlari faol ishtirok etib, o‘z bilim va intellektual salohiyatlarini sinovdan o‘tkazdilar.
Shaxmat va shashka bellashuvlarida ishtirokchilar o‘zining mantiqiy fikrlash qobiliyati, sabr-toqati hamda intellektual salohiyatini namoyon etishdi. Futbol maydonida esa jamoalar o‘zaro qiziqarli uchrashuvlarda bahs olib borib, jamoaviy hamkorlik va mahoratlarini sinovdan o‘tkazishdi.
Mazkur tadbir xodimlar o‘rtasida sog‘lom turmush tarzini targ‘ib etish, jamoaviy ruhni kuchaytirish va sportning intellektual turlarini ommalashtirishga xizmat qildi.
Axborot xizmati