Tahlillar shuni ko‘rsatdiki, viloyatda faoliyat ko‘rsatayotgan har uchinchi korxona savdo sohasida faoliyat yuritadi, ularning 99,7 foizi yoki 15 992 tasi kichik biznes subyektlariga to‘g‘ri keladi. Savdo sohasining yo‘nalishlar bo‘yicha taqsimoti quyidagicha: - avtomobil va mototsikllar savdosidan tashqari chakana savdo yo‘nalishi 74,9 foiz ulushni tashkil etgan bo‘lib, 2022- yilning mos davri bilan solishtirilganda o‘zgarish sur’ati 94,2 foizni tashkil etdi; -avtomobil va mototsikllar savdosidan tashqari ulgurji savdo yo‘nalishida 15,1 foiz ulushni tashkil etib, o‘sish sur’ati 92,6 foizni tashkil etdi; - avtomobil va mototsikllarning ulgurji va chakana savdosi va ularni ta’mirlash yo‘nalishida 10,0 foiz ulushni tashkil etib, o‘sish sur’ati 112,0 foizni tashkil etdi.
Axborot xizmati