O‘zbekiston Respublikasi Davlat xizmatlari agentligi tomonidan, “Siyosiy-ma'rifiy hamda huquqiy savodxonlikni oshirish, saylov qonunchiligi yo‘nalishlari” bo‘yicha, shuningdek, bugungi kunning eng muhim va dolzarb mavzulari haqida tashkil etib kelinayotgan malaka oshirish kurslarida Samarqand viloyati statistika boshqarmasi xodimlari ham doimiy ravishda ishtirok etib kelishmoqda.
Joriy yilning 15- oktabr kuni bo‘lib o‘tgan “Siyosiy-ma’rifiy” o‘quv mashg‘ulotiga boshqarma rahbariyati, xodimlari hamda hududiy bo‘lim xodimlari onlayn shaklda ishtirok etishdi.
Bugungi o‘quv soatida “Hafta davomida qabul qilingan dolzarb normativ-huquqiy hujjatlarning mazmun-mohiyati”, “Yosh saylovchilarning siyosiy jarayonlarda faol ishtirok etishini ta’minlash”, “ Markaziy Osiyo va Ko‘rfaz arab mamlakatlari hamkorlik kengashi uchrashuvi”, Davlat xizmatini rivojlantirish agentligining electron xizmatlari” mavzularida ma’ruzalar tinglandi.
Ushbu o‘quv soatida davlat fuqarolik xizmatida faoliyat yuritayotgan xizmatchilarning davlat va jamiyat hayotidagi so‘nggi xabar va yangiliklardan xabardorligini oshirish, ularning faoliyatiga yangi rakurslardan qarash, shuningdek, respublikamiz va xorijiy mamlakatlarda sodir bo‘layotgan voqea hodisalarni tahlil qilish, xodimlar ko‘nikmasini shakllantirish, davr talabidan kelib chiqqan holda huquqiy savodxonligini doimiy ravishda oshirib borishga yo‘naltirilgan.
Axborot xizmati